Është përfolur shpesh që Komiteti Teknik i Ekpertëve po përdoret nga Edi Rama, se vendimet nuk i marrin ekspertët që janë në përbërje të tij, por janë vendime të kryetarit të qeverisë, i cili nuk dëshiron të mbajë përgjegjësi dhe fshihet pas tyre.
Edi Rama e ka thënë disa herë që është komiteti ai që vendos. “Për masat, shtohen apo pakësohen, nuk e vendos unë, e vendos Komiteti Teknik i Ekspertëve. (Shih videon në 00:37)
Të njëjtën tezë e mbrojti disa ditë më parë një nga zëvendësministrat e Shëndetësisë.
“Komiteti Teknik i jep të dhënat qeverisë dhe Rama ka një hapësirë të vogël vendimmarrje”, deklaronte Albert Nikolla.
Por si është e vërteta? Vendosin realisht Mira Rakacolli, Albana Fico, Skender Brataj, Silva Bino, Andi Koraqi, Najada Çomo, Gjeorgjina Kuli Lito e Tritan Kalo apo ata firmosin vendimin që u diktohet nga Edi Rama?
Njëri prej anëtarëve, mjeku Tritan Kalo, ka folur hapur duke nxjerrë bllof Ramën dhe përfaqësuesit e tjerë të qeverisë.
“Ky Komitet ka rol vetëm këshillimor për mundësinë e mirë-menaxhimit të kësaj flame mbarëbotërore. Kontributi i gjithkujt në të, përfshirë edhe mua, bëhet mbi baza vullnetare. Nuk vendoset asgjë nga ky Komitet, vetëm bëhen sugjerime…qëllimtazi luhet me termin “Komiteti i ekspertëve vendosi”… Komiteti nuk është një organizëm ekzekutiv, një Qeveri e dytë dhe pas këtij termi fshihet si Qeveria”, shkruan Kalo në një reagim të gjatë në faqen e tij në facebook.
Po përse gënjen kryeministri?
Kufizimet kanë irrituar jo pak qyetarët. Biznesi i është kundërvënë çdo vendimi për mbylljen e tij. Mbi 70 mijë persona humbën vendet e punës gjatë pandemisë. Me mijëra janë qytetarët që janë gjobitur për shkelje të orarit të lëvizjes apo mosmbajtje të maskës. Me dhjetëra janë bizneset që kanë marrë gjoba të majme nga 10 në 50 milionë lekë. Të gjitha këto prodhojnë pakënaqësi të madhe ndaj atyre që i kanë marrë këto vendime. Dhe është e qartë se përse Edi Rama fshihet pas Komitetit për vendimet që merr vetë. /Zoom.al
Bëhuni pjesë e Zoom.al 👇👇
Related Posts
None found
