Sipas asaj që raportojnë mediat italiane, drejtuesit bardhezi në bashkëpunim dhe me teknikun, Massimiliano Allegri po kalojnë në lupë të gjithë objektivat e merkatos.

Ai që pëlqehet së tepërmi është italiani i Romës, Nikolo Zaniolo. Mesfushori me tipare sulmuese duket se po mendon për një të ardhme të re në karrierën e tij dhe kalimi te Juventus do ishte mjaft i dëshirueshëm.

Roma kërkon të rinovojë kontratën e mesfushorit, edhe pse ajo skadon në vitin 2024, por ka mundësi që një gjë e tillë të mos ndodhë. Interesi nga Juventus mund ta detyrojë italianin që t’i përgjigjet pozitivisht kalimit në Torino, i cili mund të zyrtarizohet vetëm në merkaton e kësaj vere.