“Ne kurrë nuk u larguam nga familja mbretërore”, deklaroi Princ Harry në një intervistë për “The Late Late Show” me James Corden-in, teksa shtoi se ai bëri atë që çdo bashkëshort apo baba do të bënte.
Bashkëbisedimi në fjalë u xhirua pak para se ai dhe bashkëshortja Meghan Markle të konfirmonin se ata nuk do të riktheheshin në detyrat e tyre si anëtarë të pallatit mbretëror. Intervista interesante u zhvillua në një autobus të Los Angeles-it dhe në çastin kur gazetari Corden i kërkoi Harry-t të paguante ky i fundit u përgjigj me humor:
“Ne mbretërorët nuk mbajme para të thata. Është hera e parë që po udhëtoj me një autobus, sepse nuk na lejohet”.
Gjatë udhëtimit, ata ndaluan në shtëpinë ku u xhirua sitcom-i i vitit 1990, “The Fresh Prince Of Bel-Air” dhe Harry këndoi këngën hyrëse të çdo serie, performuar në original nga Will Smith.
Më tej ata telefonuan Meghan-in, e cila në përgjigje të sygjerimit të Corden-it për ta blerë shtëpinë ku tanimë ndodhen, ajo u përgjigj:
“Besoj se kemi bërë mjaftueshëm ndryshime”.
Meghan Markle dhe Princ Harry hoqën dorë me vullnet të plotë nga titujt mbretërorë, duke u larguar për të vazhduar të qetë jetën e tyre. Shumë shpejt, vogëlushi Archie do të jetë vëlla i madh, pasi Meghan është në pritje të ëmbël të fëmijës së dytë.
Largimi i çifitit nga pallati mbretëror ishte më i komentuari i kohëve të fundit, teksa u tha se Mbretëreshës nuk i kishte pëlqyer aspak ky vendim, megjithëse kishte vendosur ta respektonte. Familjarët u dukën se nuk ishin dakord, por mediat e huaja bëjnë të ditur se ishte një person mes tyre i cili mbështeti largimin e Harry-t dhe Meghan-it.
Bëhet fjalë për hallën e Dukës, Princeshë Anne.
Ajo është shprehur se largimi i çiftit ishte gjëja më e mirë që mund të bënin.
Rikujtojmë se Meghan dhe Harry e njoftuan lajmin e tyre të shtatzënisë përmes një fotografie bardhë e zi, ku Meghan shfaqet e shtrirë në prehrin e Harry-t. Dukesha e Sussex-it mbante veshur një fustan nga Carolina Herrera.
View this post on Instagram
Të lidhura
