Aplikacion
Sipas ministrisë së Infrastrukturës dhe Energjisë, nuk ka pasur probleme me mjetet e ujësjellësve, furnizimi ka qenë normal dhe stacionet e pompimit punojnë në kushte optimal.
Në portet dhe aeroportet e vendit nuk ka pasur asnjë problem.
Gjithashtu nuk ka pasur probleme në akset rrugore.
Akset ku duhet të kalohet me zinxhirë janë Bokë-Theth dhe Librazhd-Steblevë, ndërsa temperaturat kanë shkuar përkatësisht -20 dhe -12 gradë Celsius.
Gjatë natës janë raportuar pesë defekte, duke prekur 5 mijë abonentë. Ulja e temperaturave ka rritur me 50% ngarkesën në rrjetin elektrik që kanë sjellë avaritë, kryesisht në qendër të vendit.
Kërkesa për energji deri tani është 27,866 MWh, prodhimi i kaskadës është 15,988 MWh dhe prodhimi në HEC-et e vogla është 5 mijë MWh.
Sot temperaturat kanë pësuar rritje të lehtë ku në zonat malore, termometri shënoi -12°C deri 01°C, në zonat e ulëta nga -3°C deri 08°C dhe në zonat bregdetare nga 00°C deri 10°C.
Kujtojmë se Shqipëria gjatë ditëve të kaluara po përballej me mot të ftohtë duke krijuar vështirësi në shumë zona, ndërsa shkollat u mbyllën për tre ditë.
Të hënën, skaji më verior i Shqipërisë, Vermoshi,shënoi – 23 gradë C, duke thyer rekord temperaturash, ndërsa në zona të tjera malore termometri shënoi -17 gradë C.
Berisha flet në 15-vjetorin e Shqipërisë në NATO: Ja reforma më e dhimbshme që na u desh…