zoom

Sport

Humbi penalltinë në Botëror, ylli holandez tregon pasojat: Dy netë nuk flija dot gjumë…

Virgil Van Dijk humbi një nga penalltitë e Holandës në lotarinë e 11-metërshave përballë Argjentinës në çerekfinalen e Kupës së Botës, moment që e ka pasur të vështirë për ta kapërcyer.

“Dy ditët e para e kisha të vështirë të flija. Zhgënjimi ishte logjik. Ishim shumë afër, madje kishim rikuperuar dy gola. Fatkeqësisht, humbëm një shans. Më dhemb shumë, kam pasur një pasdite dhe natë shumë të vështirë”, – ka komentuar mbrojtësi i Livepoolit për “Visplay Sport Nederland”, pas fitores së “The Reds” 3-1 ndaj Aston Villa.

Van Dijk luajti titullar në pesë ndeshjet që Holanda luajti në Kupën e Botës. Holandezët u eliminuan në çerekfinale nga Argjentina, skuadra që më pas u bë kampione bote.

“Unë u largova nga bota e futbollit për një kohë dhe gjeta rastin të fokusohem te familja. Kjo, po, është gjëja më e rëndësishme në jetë”, përfundoi ai. /zoom.al/