Gjykata e Posaçme thotë në një njoftim se kryetarja Irena Gjoka ka vendosur që një listë me 9 pasuri, përfshirë prona të patundshme dhe automjete, konfiskohen dhe i kalojnë shtetit ndërsa pjesa tjetër e pasurive të sekuestruara në vitin 2018, lirohen.

“Revokimin e masës së sekuestrimit për pasuritë e tjera sekuestruar me vendimin Nr.20, datë 15.09.2018, të Gjykatës së Shkallës Parë për Krime të Rënda,” shkruhet në vendimin e gjykatës, ku emrat e pronarëve të pasurive nuk janë.

Vendimi nuk saktëson se sa është vlera e pasurive të konfiskuara ndërsa vendimi i sekuestrimit i vitit 2018 rendiste rreth 29 prona të luajtshme dhe të paluajtshme. Pjesa më e madhe e tyre u liruan nga sekuestrimi si pasuri të ligjshme.