zoom

Bota

Gjeti 5 mijë euro në rrobat e përdorura që shiste, gruaja i dorëzon në polici

Fati është gjithmonë në krahun tuaj, veçse ka një kohë kur ju do ta zbuloni! I tillë është edhe rasti i një grua që shet rroba të përdorura në një treg të Greqisë.

Ajo gjeti në një pako plot 5 mijë euro. Zonja Aleka nuk ka zgjedhur ta mbajë për vete këtë shumë, ndaj vendosi që të flasë me policinë për të dorëzuar paratë, që i gjeti në rroba, në tregun popullor të Papagout-it.

Duke folur për mediat greke, ajo sqaroi se nuk e ka menduar për asnjë moment të mos i dorëzojë paratë , pasi siç tha “nuk mund të mbaj diçka që nuk është e imja”. Paratë i janë dorëzuar policisë dhe deri më tani askush nuk i ka kërkuar.

Nëse brenda vitit të ardhshëm nuk kërkohen nga pronari i tyre, atëherë do të shkojnë në Fondin e Depozitave. Megjithatë, ajo u kërkoi autoriteteve që të mos shkonin atje paratë, por për “Buzëqeshjen e Fëmijës” dhe “Arkën e Botës”.