Gjenerali i Forcave Ajrore të SHBA-së, Mike Minihan paralajmëroi komandantët e tij që të përgatiten për luftë me Kinën në afërsisht dy vitet në vazhdim.
Minihan parashikoi se luftimet do të vijnë pasi Kina të përfitojë nga preokupimi i Shteteve të Bashkuara me zgjedhjet e 2024-ës, për të ndërmarrë veprime kundër Tajvanit, i cili do të fokusohet edhe në zgjedhjet e veta në vitin e ardhshëm.
“Shpresoj që të jetë gabim,”- tha republikani Mcaul për Fox News. “Por Mendoj se për fat të keq, ai ka të drejtë. “
McCaul shpjegoi se Kina dëshiron shumë “ribashkimin” e Tajvanit me Kinën kontinentale. Ai tha se kjo mund të ndodhë përmes ndikimit në zgjedhjet e Tajvanit në fillim të vitit 2024.
“Por nëse ata nuk fitojnë në këtë gjë, ata do të shikojnë një pushtim ushtarak, sipas gjykimit tim. Ne duhet të jemi të përgatitur për këtë.”
McCaul tha se “përderisa Biden është në detyrë duhen parashikuar dobësitë” ka shanse “shumë të larta” që kjo të ndodhë. Ai përmendi dështimin e administratës Biden me tërheqjen nga Afganistani, për të cilën tha se çoi në pushtimin e Rusisë në Ukrainë.
Më vonë gjatë programit, anëtari i Komitetit të Shërbimeve të Armatosura të Dhomës së Përfaqësuesve, Rep. Adam Smith, nuk u pajtua me vlerësimin e McCaul dhe Minihan për një luftë të mundshme me Kinën.
“Dua të jem plotësisht i qartë. Jo vetëm që nuk është e pashmangshme, por ka shumë pak gjasa që
të ndodh” tha ai.
Smith pranoi se “çdo gjë është e mundur” dhe ushtria duhet të jetë e përgatitur, por “gjeneralët duhet të jenë shumë të kujdesshëm” me atë që thonë dhe nuk duhet t’i thonë botës se SHBA-të do të shkojnë në luftë me Kinën.
Demokrati deklaroi se ndërsa SHBA duhet të jentë në gjendje të pengojnë Kinën, ai është “shumë i sigurt” se një konflikt ushtarak mund të shmanget.
NBC News raportoi të premten se Minihan, kreu i Komandës Ajrore, paralajmëroi komandantët e tjerë se një konflikt me Kinën po vjen.
Gjenerali tha se “një ekip i fortifikuar, i gatshëm, i integruar dhe i shkathët i manovrimit të Forcave të Përbashkëta, i gatshëm për të luftuar dhe për të fituar brenda zinxhirit të parë të ishullit” duhet të krijohet për t’u përgatitur për luftën e afërt dhe i udhëzoi komandantët të raportojnë përsëri deri më 28 shkurt hapat që do të ndërmarrin për t’u përgatitur për luftën kundër Kinës.
Në fillim të këtij muaji, sekretari amerikan i Mbrojtjes, Lloyd Austin foli gjithashtu për mundësinë e një pushtimi kinez të Tajvanit.
“Kohët e fundit ne kemi parë sjellje provokuese nga forcat kineze dhe përpjekjet e tyre për të krijuar një normalitet të ri, por kam dyshime serioze nëse kjo përbën një kërcënim të menjëhershëm pushtimi”, tha Austin.
Bëhuni pjesë e Zoom.al 👇👇
Related Posts
None found
