Del fotoja e një prej sulmuesve serbë, që është ekzekutuar nga Policia e Kosovës, pas vrasjes së efektivit të policisë Afrim Bunjaku.

Pamjet e rënda tregojnë momentin kur anëtari i grupit të armatosur, që “mori peng” Zveçanin këtë të diel, është i shtrirë përtokë, pa shenja jete, ndërsa pranë vetes ka armën që mbante.

Sipas KosovaPress, deri tani numri i të ekzekutuarve nga radhët e sulmuesve ka shkuar në shtatë, që pas nisjes së kundërpërgjigjes në Kosovë.

Veriu i Kosovës u përgjak në orët e para të mëngjesit pasi një grup i armatosur rëndë, i përbërë nga 30 persona, për të cilin autoritetet dyshojnë se mund të ketë lidhje me “Wagner”, vranë në krye të detyrës efektivin Afrim Bunjaku.

Thirrjet që shkojnë për Kosovën nga faktori ndërkombëtar janë që të ruajë qetësinë, situatën ta menaxhojë me maturitet dhe të gjejë gjuhën e dialogut me Serbinë.

---

Related Posts

None found