Në fund të seancës stërvitores së mëngjesit, Rafael Leao do të shkojë në Casa Milan për të nënshkruar rinovimin e kontratës.

Pas një telenovele mujore më në fund marrëveshja u arrit për gjithçka dhe sulmuesi portugez do të nënshkruajë një zgjatje të kontratës për 5 vite, deri në qershor 2028, me një pagë 5 milionë euro neto në sezon plus bonuse dhe një klauzolë lirimi 175 milionë euro.

Zyrtarizimi i rinovimit të numrit 17 pritet para ndeshjes të së dielës në mbrëmje kundër Juventusit, një inkurajim i rëndësishëm për sezonin dhe mbi të gjitha për të ardhmen e Milanit.

Në fakt, me tri pikë kundër bardhezinjve, kualifikimi në Champions League do të vuloset dhe kuqezinjtë do të mund të fillojnë të planifikojnë blerjet për sezonin e ardhshëm.

Pas dështimit të verës së kaluar (Dest, Adli, Vranckx dhe Origi do largohen, ndërsa CDK mbetet një mister).

Merkato e ardhshme nuk mund të shkojë keq, edhe sepse midis transferimeve, pagave të kursyera dhe të ardhurave nga kualifikimi në Champions në dispozicion të Maldinit dhe Massara do të jenë rreth 100 milionë euro.

Vetëm kuqezinjtë kanë hyrë në marrëveshjen e Fair Play me UEFA-n dhe kanë hyrë në një rrugë të virtytshme që i autorizon ata të shpenzojnë në merkato.

Skenari është ende në zhvillim, por për të vazhduar procesin e tij të rritjes, Milani do të jetë në gjendje të shfrytëzojë avantazhin që ka në vijën startuese.

Në verë, Juve ndoshta do të detyrohet të shesë dhe të investojë në lojtarë të rinj, Napoli do të ndërrojnë trajnerë dhe Gasperin e Mourinho mund të largohet nga Atalanta dhe Roma.

Vetëm Interi dhe Lazio do të nisin nga baza teknike të konsoliduara, por llogaritë e zikaltërve nuk janë në rregull si ato të kuqezinjve dhe Lotito nuk shquhet për shpenzime të çmendura.

Do të jetë një treg vërtet sfidues, “Djalli” është në kërkim të një zëvendësuesi për Theo, të paktën një mbrojtës qendre, një mesfushor, një mesfushor në krahun e djathtë, një mesfushor sulmues dhe dy qendërsulmues.

Maldini dhe Massara do të duhet të jenë të kujdesshëm dhe me siguri do të nevojiten intuitat e duhur, por merkato e kaluar tregoi se në treg nuk mund të blihet vetëm me bast, duhet siguri. /zoom.al/