Ledjana tha se ndjehej keq, për shkak se Mevlani tallet me të, ndërkohë që ky i fundit kërkoi të fikeshin kamerat për shkak të situatës së rënduar.

“Arritëm shpirt, tek vendi i ngjarjes. Fikni njëherë kamerat, se ndoshta s’do me dal në takim, mos të humbim kohë kot. Na thuaj ta dimë”, u shpreh Mevlani.

Kjo gjë u diskutua edhe në studio dhe Ledjana tha se ndjehet keq sepse Mevlani nuk ka siguri ndaj saj. Megjithatë gjërat mes tyre u përmirësuan dhe takimi u mbyll më së miri. Pasi shkëmbyen disa puthje me njëri-tjetrin, Ledjana i kërkoi Mevlanit që të mos largohet kurrë prej saj dhe ai i pëshpëriti në vesh “Të premtoj”. Gjithashtu ai bëri deklaratën e fortë duke thënë se ka rënë në dashuri me Ledjanën, ndërsa kjo e fundit u shpreh se është ende në fazat e pëlqimit për Mevlanin.

Nga ana tjetër, ish-konkurrenti i “Për’puthen”, Fation Kuqari, e ka vënë në siklet Ledjanën me komentin që i ka lënë në fotos e saj.

“Çfarë dëgjova unë që e le Mevlon?”, i ka shkruar Fationi.

“Jo”, i ka kthyer ajo përgjigje menjëherë duke hedhur poshtë aludimet e atyre që nuk besojnë në ndjenjat e saj për Mevlanin.