Aplikacion
Por sa e vërtetë është kjo?
Sipas revistës ‘Spectator’, deri më 29 mars, Kili kishte vaksinuar 6.5 milionë persona në një popullsi prej 19 milionë banorë. Vaksinat e përdorura ishin Pfizer dhe Sinovac kineze.
Pavarësisht se është edhe përpara Britanisë me vaksinime, Kili është futur sërish në izolim të thellë. Të dhënat tregojnë se shifrat e të prekurve nga koronavirusi janë shtuar ndjeshëm. Më 26 mars u regjistruar 7626 raste, një rekord për këtë vend.
Por përse vendi po shkon në izolim?
E para, qeveria është e shqetësuar për variantet e reja të koronavirusit.
E dyta, eksperienca kiliane tregon se çfarë mund të ndodhë nëse masat e kufizimit lehtësohen më shpejt se ç’duhet.
E fundit, sipas Spectator, nga të gjithë vaksinat në botë, vaksina kineze e Sinovac ka të dhënat më pak të efektshme dhe më të paqëndrueshme. Një studim në Brazil ka treguar se efektshmëria e kësaj vaksine është 50 përqind. Ky është një studim i hershëm dhe nuk merr në konsideratë mutacionet e shumta që po qarkullojnë.
Për ironi, rasti i Kilit tregon se kryeministri Edi Rama po mashtron me spotin e tij elektoral për vaksinimi.
Edi Rama thotë me zërin e tij në spotin elektoral se: “Për pak muaj kjo vuajtje e madhe do të mbarojë”. Dhe më pas ai shpjegon se çdo të thotë kjo. Ai tregon një vend që këtë verë do të jetë i hapur për turistët e huaj, ku nuk do të ketë kufizime për baret dhe restorantet dhe as orar policor.
Por kthimin në jetën e mëparshme që këtë verë, ashtu sikurse reklamohet në spotin e fushatës së PS, nuk e konfirmon asnjë studim shkencor. Edhe nëse Rilindja e arrin objektivin e saj maksimal, për 500 mijë të vaksinuar deri në këtë periudhe, kjo do të jetë e pamjaftueshme për kthimin në normalitet. Rasti i Kilit e rrëzon plotësisht këtë propagandë, duke marrë në konsideratë sidomos përdorimin e vaksinës kineze.
Deklarata e bujshme e Bill Gates për Inteligjencën Artificiale: Edhe unë mund ta humbas punën time!