Kështu deklaroi të hënën në Parlamentin britanik ish-menaxherja e rrjetit social Frances Haugen, e cila raportoi përpara një komisioni britanik që po shqyrton plane për të rregulluar funksionimin e kompanive mediatike.

Haugen tha se, Facebook e konsideron sigurinë një lloj malli me kosto dhe me taktikat e tij po ndikon në përhapjen e urrejtjes.

“Nuk kam asnjë dyshim se ngjarjet që po shohim nëpër botë, si dhuna në Mianmar dhe Etiopi, janë vetëm kapitujt e parë sepse në rrjetin social ka dy objektiva në renditjen e gjërave: i pari është përforcimi i përmbajtjeve përçarëse dhe ekstreme dhe i dyti është fokusimi në to”, tha Haugen.

Ish-menaxherja shtoi se algoritmet i nxisin përdoruesit drejt ekstremizmit. Sipas saj, nëse dikush është i majtë, rrjeti social do fokusohet tek e majta ekstreme dhe po ashtu me të djathtën.

Shefi ekzekutiv i Facebook, Mark Zuckerberg u është përgjigjur më herët akuzave të Haugen, duke thënë më herët gjatë muajit se, argumentet e saj nuk kanë logjikë.

Ndërkohë, dokumente të kompanisë të poseduara nga “Reuters” dhe agjenci të tjera tregojnë se, Facebook ishte në dijeni të faktit se nuk kishte punësuar mjaftueshëm punonjës të aftë në përdorimin e gjuhëve dhe të informuar mbi ngjarjet që duhet të identifikohen si objektive nga përdoruesit në një numër vendesh në zhvillim. / Euronews