zoom

Ekonomi

Euro prek nivelin më të lartë në 9 muaj. Çfarë po ndodh me valutat?

Euro ka arritur nivelin më të lartë në 9 muajt e fundit në raport me dollarin amerikan. Dollari e ka filluar në rënie këtë javë, duke regjistruar humbje për të katërtën ditë me radhë. Shkak janë bërë deklaratat e zyrtarëve të Bankës Qendrore Europiane se do të vijojnë me politikën monetare agresive, si mënyrë për të luftuar inflacionin e lartë.

Rezerva Federale në SHBA ka sinjalizuar se do të ngadalësojë hapin e rritjes së interesave. Për rrjedhojë euro është ngjitur pranë 1.09 në raport me dollarin amerikan. Anëtari i Këshillit Drejtues të BQE, Klaas Knot, tha se normat e interesit do të rriten edhe me 50 pikë bazë në takimet e shkurtit dhe marsit.

Ndërsa Rezerva Federale mund ta rrisë normën bazë të interesit me 25 pikë bazë në dy takimet e ardhshme, për ta çuar normën bazë të interesit në intervalin nga 4.75% deri në 5%.

Investitorët po presin edhe disa të dhëna që do të publikohen më vonë gjatë kësaj jave, që pritet të tregojnë një rënie të ndjeshme të kostove të energjisë.

Në tregun e kriptomonedhave, bitcoin është rritur ndjeshëm gjatë fundjavës dhe po tregtohet në rreth 22,700 dollarë, ndërsa ethereum po tregtohet në rreth 1640 dollarë.

Në Shqipëri, në tregun e këmbimit valutor 1 Euro shitet me 115.9 lekë dhe blihet me 116.5 lekë, duke shënuar një rënie në raport me javën e kaluar. Dollari shitet me 106.2 lekë dhe blihet me 107.4 lekë, po ashtu në rënie në raport me lekun.

Më poshtë, kursi i Këmbimit sipas Bankës së Shqipërisë. /Zoom.al