Sekretarja e Përgjithshme e ministrisë së Shëndetësisë është arrestuar për korrupsion me urdhër të SPAK.
Një lajm të tillë e konfirmoi dhe vetë kryeministri Rama, pa dhënë detaje, por burime për Zoom.al konfirmojnë se bëhet fjalë për Joana Duron në ministrinë e Ogerta Manastirliut.
Po ashtu, njoftohet se dhe specialistja e Prokurimeve, Laura Shteto, është arrestuar me të njëjtat akuza.
Rama tha se një Sekretare e Përgjithshme është kapur në flagrancë duke marrë lekë dhe deklaroi se duhet të zbulohen më shumë raste të tilla.
“Një Sekretare e Përgjithshme kapet në flagrancë duke marrë lekë. Si mund të ndodhë kjo? Ana e pëlqyeshme e kësaj medalje është që kapet një person që është i padenjë për të qëndruar në një zyrë shteti. Uroj të ketë sa më shumë të tilla, por s’mund të uroj që sa më shumë të tillë njerëz të bëjnë gjëra të tilla. Është realisht diçka e rëndë. Mungesa e sensit të patriotizmit, sensit të detyrës, mungesa e sensit të etikës, në pikën që në një detyrë të rëndësishme të biesh në këtë lloj niveli është realisht e tmerrshme.”
Lajmi në përditësim…
Bëhuni pjesë e Zoom.al 👇👇
Related Posts
None found
