zoom

Aktualitet

EMRAT/ Ekstradohen 4 shqiptarë për vjedhje, plagosje dhe drogë

Katër të dënuar shqiptarë, dy nga Gjermania, një nga Franca dhe një nga Italia janë ekstraduar në Tiranë për të vuajtur dënimet.

“Në bashkëpunimit me autoritetet italiane, u ekstradua nga Italia, Bekim Lekaj, 30-vjeç, banues në Tropojë. Ai është dënuar me 8 vjet, 2 muaj e 10 ditë burgim, për veprat penale “Vjedhja” dhe “Vjedhja me dhunë” kryer në bashkëpunim nga Gjykata e Rrethit Gjyqësor Gjirokastër.

Po ashtu, u ekstradua nga Stuttgart, Gjermani, drejt vendit tonë, Romario Kapidani, 28-vjeçari nga Durrësi, pas ishte shpallur në kërkim sepse Gjykata e Rrethit Gjyqësor Durrës e ka dënuar me 5 vjet e 4 muaj burgim, për veprën penale “Prodhimi dhe shitja e narkotikëve”, nga të cilat i kanë mbetur për të vuajtur edhe 2 vjet e 8 muaj burgim.

Gjithashtu, u ekstradua nga Dusseldorf, Gjermani, dhe 29-vjeçari Ervis Martini alias Ervis Krasniqi, 29 vjeç. Ai ishte shpallur në kërkim ndërkombëtar, pasi Gjykata e Shkallës së Parë Fier i ka caktuar masën e sigurimit “Arrest në burg”, për veprat penale “Plagosja e rëndë me dashje” dhe “Mbajtja pa leje dhe prodhimi i armëve, armëve shpërthyese dhe i municionit”.

U ekstradua nga Francë, shtetasi shqiptar gjithashtu dh 30-vjeçari Deivis Jaho, 30 vjeç,lindur në Kamzë. Jaho ishte shpallur në kërkim, pasi Gjykata e Apelit Tiranë e ka dënuar me 1 vit burgim, për veprat penale “Vjedhja” dhe “Shkelja e rregullave të qarkullimit rrugor”.

Këta persona u ekstraduan drejt vendit tonë, me qëllim vuajtjen e dënimit” mbyllet njoftimi i policisë.