zoom

Të gjitha

“E uroj në çdo ditëlindje”, Vin Veli tregon raportet që ka me Bora Zemanin

Dj i njohur Vin Veli, ka qenë në qendër të vëmendjes së mediave rozë për raportin e tij me ish-partneren Bora Zemani dhe praninë e tij në festën e ditëlindjes së 30-të të moderatores.

I ftuar në një intervistë ai ka folur për herë të parë rreth raportit që ka me Bora Zemanin, djalin e tyre Arborin dhe lidhjen e re të dashurisë.

 

Duke folur për marrëdhënien e tij me djalin e tij Arborin dhe ish-partneren Bora Zemani, ai u shpreh se ka një raport mjaft të mirë dhe se e uron moderatoren në çdo ditëlindje.

Dj i njohur shtoi se mundohet të jetë shembull edhe për familje të tjera apo miq të tij që kanë të njëjtën histori dhe janë të divorcuar, për të qëndruar sa më larg urrejtjes.

“Duke qenë se dhe kam një vetëmenaxhim të kohës, një pjesë shumë të mirë ia dedikoj Arborit pasdiskutim. Fundjavat por edhe ditë të javës pas shkollës patjetër që mundohem të jem sa më afër. Kam një raport shumë të mirë (me Borën) dhe patjetër që e kam uruar çdo ditëlindje, jo vetëm këtë 30 vjetor. Thjesht urim kaq. Unë kudo që njoh mundohem të jap mesazhin time dhe tek miqtë e mi që kanë të njëjta probleme apo mund të kenë histori të ngjashme. Larg urrejtes dhe larg  nxitjes së dhunës, sidomos  larg urrejtjes më tepër tek fëmija. Patjetër që mendoj që jam shembull dhe jam munduar gjithmonë të jem shembull për këtë pjesë”, tha ai gjate nje interviste.

I pyetur për lidhjen e tij të re, ai nuk ka dhënë detaje duke theksuar faktin se për sa kohë i mban gjërat private është më i lumtur.

“Për sa kohë që gjërat nuk janë publike dhe gjërat nuk kanë vëmendje publike, patjetër që të gjithë do të jenë të lumtur.”, rrëfeu ai.

Ndër të tjera ai foli rreth vëmendjes së madhe që ka pasur nëpër portale, ku tha se para së gjithash nuk e konsideron veten VIP dhe se nuk i kushton aspak rëndësi gjërave që shkruhen për të.

“Nuk i jap rëndësi gjërave që nuk të çojnë në asnjë vend. Nuk të ndihmojnë të ecësh përpara. Janë lajme që s’kam pse t’i ndjek fare. E para e punës unë nuk e kam konsideruar kurrë veten VIP, dhe nuk mendoj që jam VIP. Mund të thuash që jam një Dj i njohur, por jo VIP”, u shpreh Vin Veli.