Fifi ka treguar se ka provuar metoda të ndryshme për rënien nga pesha, derisa gjeti metodën më efektive përmes një diete ushqimore. Megjithatë ajo ka theksuar gjithmonë se e ka dashur trupin e saj në çdo formë, edhe kur ka qenë mbi 100 kilogramë edhe tani që s’është më.

Mirëpo po kërkesat e djemve a kanë ndryshuar pas rënies së saj nga pesha? Ditën e sotme Fifi ka zhvilluar në bisedë virtuale me ndjekësit dhe dikush e ka pyetur:

“Duke u bazuar te mentaliteti i shqiptarëve a ka pasur dallim në ofertat e meshkujve drejt teje pas dobësimit”.

Fifi është shprehur hapur se kërkesat kanë ndryshuar dhe ata që më parë e thërrisnin motër, sot duan të dalin me të për ta njohur ndryshe.

“100%. Ka dhe prej atyre që dikur më thoshin motër, sot jo më. Tani duan të dalin me mua të më njohin ndryshe”, ka treguar Fifi.

Sa i përket dashurisë së saj të pamundur për të cilën ajo ka folur shpesh, është shprehur:

“Zemra s’është me buton… po as mëkat të dashurosh nuk është. Plus zemra ime bën zgjedhje misterioze. Zgjedhje sfiduese. Dua histori dashurie, dua më shumë se thjesht lidhje. S’dua lidhje të zakonshme instagrami e tik toku”.