Një smartphone i ri, i krijuar për mbështetësit e ish -presidentit amerikan Donald Trump është hedhur në treg.
Ai quhet “Freedom Phone”. Kushton 499 dollarë. Prodhuesit e tij premtojnë të çlirojë përdoruesit nga censura dhe nga kontrolli i kompanive të mëdha të teknologjisë, “Big Tech”, që janë vënë shpesh në qendër të sulmeve të ish -presidentit Trump, pasi konsiderohen si mbështetës të demokratëve liberalë.
Ideatori i këtij telefoni është Erik Finman. Ai është një amerikan që e quan veten si “miliarderi i parë i Bitcoin”.
Finman premton se “Freedom Phone” do të jetë “telefoni më i mirë në botë”, pasi është një telefon normal, por nuk spiunohet dhe nuk do të përdorë censurën.
Sistemi operativ quhet Freedom OS dhe bazohet në Android.
Aplikacionet mund të shkarkohen nga “PatriApp”. Asnjë aplikacion nuk do të jetë i ndaluar, as ata që ndalohen në AppStore apo GooglePlay.
Freedom Phone ka të instaluar aplikacionin “Signal” dhe motorin e kërkimit DuckDuckGo.
Aplikacionet e mediave të djathta, si Newsmax dhe One America News Network nuk mund të mungojnë. Freedom Phone zotohet të mos gjurmojë asnjë të dhënë nga përdoruesit e saj.
Telefoni është prodhuar në Kinë, një vend që ish -presidenti Trump e sulmoi gjatë gjithë presidencës së tij. /Zoom.al
Bëhuni pjesë e Zoom.al 👇👇
Related Posts
None found
