zoom

Politikë

Debati për Robert Ndrenikën dhe Tinka Kurtin/ Balla-Bushatit: Më vjen neveri që akuzon njerëz në punë të vet

Taulant Balla ka debatuar me analistin Andi Bushati në emisionin “Open” për zgjedhjet e 25 Prillit, ku ka pasur diskutime të ashpra për përfshirjen e aktorëve në fushatën elektorale të PS.
Balla tha se nuk duhet akuzuar askush për bindjet politike si dhe shton se nuk duhet përmendur Tinka Kurti se ka marrë paratë e PS për të bërë video në kuadër të fushatës elektorale.

Pjesë nga biseda

Balla: Për çfarë i do lekët Robert Ndrenika? Robert Ndrenika ka të drejtën e Zotit që të ketë bindjen e vet politike. Si ka mundësi që një aktor me PD, nuk stigmatizohet dhe kur del që ka dhe kritikë dhe shpresë që ne mund të bëjmë, por të thuash që një familje e djathtë si Tinka Kurti.

Bushati: Juve ju kanë ngelur t’ju mbrojnë fosilet e Berishës të ’97-ës.

Balla: Më vjen neveri që të akuzosh njerëz në punë të vet, 80 vjeç që kanë të drejtë të marrin pjesë në tubim politik. Mund të më akuzojë mua që jam këtu, por jo një gjyshe si Tinka Kurti që të thuash ka marrë lekët.

Bushati: Fosilet e Berishës së ’97-ës.

Balla: I vetmi fosil është Berisha. Kush është jashtë politikës, nuk kemi të drejtë ti përmendim.