Një regjistër kombëtar të popullsisë dhe të banesave në të gjithë territorin e Shqipërisë. Është ky qëllimi i censusit të radhës, ku sërish etnia dhe përkatësia fetare të cilësuara si çështje sensitive do të jenë me dëshirë, teksa gjuha do të jetë detyrim ligjor për qytetarët për t’u përgjigjur në pyetësor.

Ky është censusi i tretë që zhvillohet në Shqipëri, pas atij të zbatuar në vitin 2001 dhe më pas në vitin 2011, ku popullsia e Shqipërisë përllogaritej në mbi 2.8 milionë banorë.

Për qytetarët që refuzojnë të japin informacione apo i deklarojnë ato të rreme, projektligji parashikon edhe masa ndëshkimore që variojnë nga 10 deri në 100 mijë lekë gjobë.