Aplikacion
Në ndryshim nga viti i kaluar kemi zvogëlim të defiçitit buxhetor me 9,2 %.
Të ardhurat nga tatimet u rritën me 8.76 % për këtë vit ndërsa shpenzimet janë rritur me 9,2% krahasuar me 2021. Edhe pse këtë vit numri i vdekjeve nga Covid-19 në Shqipëri ka qënë më i larti në Europë në bazë të numrit të popullsisë sipas INSTAT, qeveria shqiptare nuk ka rritur shpenzimet në sektorin e rimbursimit të ilaçeve dhe të Covid-19 e cila është një barrë e shtuar për familjes shqiptare.
Të ardhurat për këtë vit kanë shënuar rritje me 9% krahasuar me vitin e kaluar ku lehtësimi i masave kufizuese ka sjellë rritje të qarkullimit të të ardhurave e cila lidhet me inflacionin që erdhi në rritje gjatë tremujorit të tretë të 2021 sipas raportit të Bankës së Shqipërisë, duke shënuar një vlerë mesatare prej 2.4%. Rritja e tij pasqyron efektin e rritjes së çmimeve të produkteve ushqimore, të naftës dhe të energjisë në tregjet botërore duke ekspozuar brishtësinë e ekonomisë shqiptare ndaj tregjeve ndërkombëtare.
Koncesionet vazhdojnë të marrin pjesën më të rëndësishmë të PBB-së të Shqipërisë ku sipas raportit të fundit të Fondit Monetar Ndërkombëtar, proceset për PPP-të dhe projektet e financuara nga buxheti duhet të harmonizohen pasi nga 33 % PBB-së që zinin në 2018 ato mund të shkojnë në 50%. Dhe FMN pati të drejtë në parashikime sepse për buxhetin e 2022 ato zënë 45.6 % të PBB-së së vendit.
Mungesa e të dhënave të qarta për ekspozimin e vërtetë të qeverisë ndaj PPP-ve është një sfidë kryesore sipas FMN-së. Rreziqet fiskale i shtojnë edhe skemat e garancisë së qeverisë për sektorin privat në diskutim dhe mbështetja e ndërmarrjeve shtetërore, veçanërisht në sektorin e shërbimeve, nga garancitë sovrane (të cilat janë në rritje) dhe mbështetja buxhetore me ndërprerje. Në këtë kontekst, është e rëndësishme të rifuqizohen reformat e sektorit të energjisë elektrike dhe të ujit që janë vonuar vitet e fundit të cilat me krizën botërore të energjisë dhe përmbytjet natyrore në vend janë kthyer në domosdoshmëri. /Armand Kullau – Zoom.al
SPAK ankimon vendimin për inceneratorin e Elbasanit, kërkon dënimin e Bllakos dhe Kokës