Gjate seancës ai refuzoi të flasë para togave të zeza ndërsa avokati i tij kërkoi kohë të njihet me aktet hetimore, që më pas të apelojnë vendimin.

Ish – zyrtari i policisë doli në përgjimet e SKY ECC, pasi dyshohet se dekonspiroi informacionet e Guardia di Finanza-s italiane për kontrollet nga ajri.

Ai ishte i pari që kishte në duar informacionet që vinin nga agjencitë ligjzbatuese italiane, ndaj SPAK po e heton pasi ka dyshime që të gjitha këto të dhëna ua vinte në dispozicion trafikantëve për të marrë masa e për tu larguar.

Po ashtu ai dyshohet se lejuar edhe një kazino të jashtëligjshme të biznesmenit Pëllumb Gjoka, tashmë i arrestuar nga operacioni Metamorfoza. Henrigert Mitri akuzohet për korrupsion pasiv, shpërdorim detyre, kultivim të bimëve narkotike, organizim të veprimtarisë së lojërave të fatit në kuadër të grupit të strukturuar kriminal.