Po të shohësh fotot e postuara nga kryeministri Edi Rama në samitin e BE- Ballkan, të mbajtur në Kishinjev të Moldavisë, duket sikur ai ka qenë në qendër të vëmendjes.
Shfaqet i ulur me Vucic e Von Der Leyen, flet me Rishi Sunak e Olaf Scholtz, përqafon Georgia Melonin, shtrëngon duart në formën e besës me presidentin Zelesnky, del në plan të parë të aparatit fotografik personal në takimet masive.
Në Kishinjev u diskutua kryesisht për Kosovën e Ukrainën.
Kryeministri i Shqipërisë nuk tha as më shumë e as më pak se Kosova e Serbia duhet të respektojnë marrëveshjet.
Agjencitë e mëdha të lajmeve as e cituan gjëkundi.
Megjithatë fotot e postuara prej tij në rrjetet sociale japin idenë se ai ka qenë qendra orbitale e samitit. Për më tepër, asnjë nga liderët e tjerë nuk postoi as sa çereku i galerisë së tij.
Jo më kot Aleksandër Vucic e ka quajtur lider global, sigurisht jo për nga rëndësia apo mendësia, por nga sjellja e atij lloji që kërkon të duket sikur të gjithë duan ta takojnë.
Por nuk është çudi që liderët europianë ta duan afër. Ish-kancelarja Merkel e pati thënë hapur se ai e bënte për të qeshur në çdo takim. /Zoom.al
Bëhuni pjesë e Zoom.al 👇👇
Related Posts
None found
