Të dy kandidatët thuhet se janë duke u përgatitur për këtë debat prej disa ditësh, por mënyra se si ata po e bëjnë këtë dukej shumë ndryshe.

Biden është takuar me disa nga këshilltarët e tij më të afërt në Camp David, vendstrehimi presidencial në malet e qeta të Maryland.

Në seancat përgatitore, demokrati thuhet se po përgatitet mbi një listë pyetje-përgjigje në një përpjekje për t’i konsideruar si një zgjedhje midis dy të kundërtave.

Biden po përgatitet me Ron Klain, ish-shefin e tij të shtabit, Bob Bauer, i cili shërbeu si këshilltar i Shtëpisë së Bardhë nën ish-Presidentin Barack Obama, po luan rolin e Donald Trump në debatet simuluese.

Në të kundërt, Trump ka marrë pjesë në një seri “diskutimesh joformale të politikave”, sipas fushatës së tij.

Në këto sesione, ai është takuar me ligjvënës, duke përfshirë të paktën dy kandidatë për zëvendëspresidentë, Marco Rubio dhe JD Vance, si dhe me ekspertë politikash, këshilltarë të lartë dhe aleatë të jashtëm për një sërë temash nga aborti te krimi.

“Ai po mendon se si t’i përkthejë këto tema vërtet, vërtet të rëndësishme në një mesazh që funksionon,” tha senatori republikan JD Vance në një intervistë me Fox News javën e kaluar.