zoom

Politikë

Beteja për mandatin në Shkodër/ Topalli për votat e demokratëve: Nuk shkojnë kurrë tek Lulzim Basha

Kryetarja e “Lëvizjes për Ndryshim”, Jozefina Topalli ka folur në “Open” për betejën e mandatit në Shkodër dhe kalimin e votave të demokratëve në partinë e saj.

Topalli theksoi se votat që do të shkojnë për të nuk kanë qenë kurrë për Lulzim Bashën dhe fton këdo që është i pakënaqur të marrë pjesë në votime dhe të mos e japë votën për tre partitë politike më të mëdha në vend.

“Së pari, nën përgjegjësi do të them që më shumë demokratë janë jashtë PD se sa brenda. Nuk i heq asnjë votë askujt. Ato vota nuk shkojnë kurrë tek Lulzim Basha. Ftesa ime është për të gjithë ata që janë krejt të pakënaqur me Edi Ramën dhe me rritjen e korrupsionit, as me Ilir Metën, as me Lulzim Bashën. Deri tani, të dëshpëruar mund të rrinë në shtëpi. Kjo do të ishte nderi më i madh që mund t’i bëjnë këtyre të treve. Është votë proteste kundër qeverisjes, ftesa ime është që vota juaj është arma më e fuqishme që keni. Një person që ka guxim mund të sjellë ndryshimin”, tha Topalli.