Faktin që Tea do të zbulonte gjithçka për ndarjen nga Bearti në aplikacionin e “Për’puthen”, që kushton 4 dollarë, djali nga Kosova nuk e priti fare mirë. Përmes një postimi në Instagram ai tha se ndjehet i zhgënjyer nga veprimi i Teas, sepse nuk e priste që ajo ta shiste aq lehtë për 3.99 dollarë.
“Nuk i dua dramat dhe nuk i dua njerëzit të hynë në privatësinë time. Për këtë arsye kam qëndruar i heshtur jo se nuk di e skam çka me fol. Meqenëse Tea luan kartën e viktimës përsëri edhe me mua. Tani është radha ime të flas se nuk është ashtu” – u shpreh mes tjerash Bearti.
Kjo kundërpërgjigje u duk si një paralajmërim, pasi atë e shoqëroi me një numërim prapa për në mesantën e sotme, kur ndoshta ai do të japë versionin e tij të ndarjes nga Tea. Pas kësaj ai ka ndarë në Instagram dhe një shprehje të Arjan Konomit, që sërish është një mesazh për ish-partneren e tij.
“Dhe ka një gjë që dua t’ua them juve për ta pasur parasysh në jetë. Njeriu nuk njhet kur dashurohet, njeriu njihet kur ndahet apo kur të ketë mosmarrëveshje. Atëherë do të kuptoni se kush është partneriapo partnerja juaj në ketë kudo që të ndodhet”, shprehet Konomi në mesazhin e ndarë nga Bearti.
Kujtojmë se ai që pranoi i pari ndarjen në rrjete sociale ka qenë Bearti, pas thumbave të njëpasnjëshëm që po i drejtonin njëri-tjetrit.
“Po gjithçka ka marrë fund. Nuk dua drama ose vëmendje, kështu që dua me e mbyll këtu këtë kapitull edhe mos me e hap më asnjëherë”, shkruante Bearti.
Të lidhura
