Sipas Sky Sport DE, Vincest Kompany do të jetë trajneri i ri i Bayern Munich.

Klubi gjerman po negocion këto ditë me klubin e Burnley për të gjetur një akord, për të lënë të lirë Kompany pasi trajneri belg ka një kontratë me klubin anglez deri në 2028. Vetë trajneri ka dhënë pëlqimin e tij për të marrë stolin e Bayern, por klubi gjerman është i detyruar të paguajë për të siguruar shërbimet e Kompany. Gjithnjë sipas Sky Sport, drejtuesit e Bayern përfunduar te ky opsion pasi përcaktues ka qenë gjuha dhe njohja e ambientit. Kompany flet mirë gjermanisht, e njeh edhe Bundesligës, pasi më herët, gjatë karrierës së tij ka qenë pjesë e Hamburg.

Kurse në Spanjë nuk kanë më asnjë dyshim: Hansi Flick do të jetë trajneri i ri i Barcelonës. Dy të përditshmet pranë klubin bluagrana, Mundo Deportivo dhe Sport kanë hapur faqen e parë këtë të enjte me këtë lajm të bujshëm. Drejtuesit e klubit të Barcelonës fluturuan drejt Londrës ku zhvilluan një takim kokë më kokë me Hansi Flick.

Ish trajneri i Bayern Munich dhe përfaqësueses gjermane, ka dhënë aprovimin e tij për të marrë stolin e Barçës. Flick është takuar me Deco-n, drejtorin sportiv, dhe me Bojan Krkic. Në këtë takim ishte i pranishëm edhe agjenti i Flick, Pini Zahavi, i cili është gjithashtu edhe agjenti i Lewandowskit. Palët kanë gjetur një akord total, me Flick që do të firmos një kontratë 2-vjeçare. Që nga dita kur Flick eliminoi Barcelonën në Champions, sezon ku Bayern më pas fitoi trofeun, emri i tij është lidhur në mënyrë konstante me një transferim në Barcelonë, moment i cili me sa duket ka ardhur pikërisht tani.

Sigurisht, përpara se të firmosin me Flick, Barcelona duhet të lirohet nga Xavi, me trajnerin i cili është nën kontratë deri në 2025. Nuk ka asnjë dyshim as për këtë pjesë, ku sipas mediave spanjolle, Xavi do të shkarkohet pas sfidës kundër Sevijas, e fundit për këtë sezon. Të hënën ose të martën, Xavi-t do t’i komunikohet zyrtarisht shkarkimi i tij nga Barcelona. /ZOOM.AL/