Përplasja ka ndodhur ndërsa kanë mbetur të plagosura dy gra, të cilat janë dërguar në spitalin rajonal të Korçës për ndihmë mjekësore, jashtë rrezikut për jetën.

Sipas ekspertëve të qarkullimit rrugor një mjet tip “Benz” i shërbimit taksi ka qenë duke lëvizur nga Korça në drejtim të Maliqit kur papritmas një mjet tjetër i cili ishte i parkuar në anë të rrugës ka kryer manovër të gabuar duke kaluar në aksin tjetër të aksit nacional.

Manovër kjo që ka sjellë edhe përplasjen e të dy mjeteve. Vetëm një ditë më parë në këtë aks ka mbetur e plagosur rëndë një 53 vjeçare pasi u godit nga një mjet i shërbimit publik.

Njoftimi i policisë:

Korçë/Informacion paraprak

Rreth orës 13:35, në aksin rrugor “Korçë-Maliq”, në afërsi të fshatit Çiflig, automjeti tip “Hyundai” me drejtues shtetasin R. A. është përplasur me automjetin tip “Honda” me drejtues shtetasin G. K.

Si pasojë janë dëmtuar tre pasagjere të automjetit tip “Hyundai”, të cilat janë dërguar në spital, për mjekim, dhe janë jashtë rrezikut për jetën.

Drejtuesit e automjeteve janë shoqëruar në Komisariat, për kryerjen e veprimeve procedurale.

Grupi hetimor po punon për sqarimin e rrethanave të aksidentit.