Policia e Maliqit konfirmoi se menjëherë pas dëshmisë paraprake të marrë prej oficerëve, ka arrestuar së fundmi 2 personat që dyshohen se kanë abuzuar seksualisht me vajzën, emri i të cilës nuk u publikua për shkak të moshës.

Sipas informacioneve nga policia vendore, në pranga kanë rënë një 41-vjeçar dhe një 22-vjeçar. Vajza e moshës rreth 15 vjeçe, ka qenë ajo që ka rrëfyer të gjithë ngjarjen në polici, pas denoncimit që ka bërë nëna e saj. E mitura ka treguar se të dy e kanë abuzuar seksualisht, por nuk ka informacione nëse sulmi ka ndodhur në të njëjtën kohë apo në periudha të ndryshme dhe nëse ka qenë afatgjatë.

Policia ndërkohë po vijon hetimet dhe pritet të jepen detaje të saktësuara për ngjarjen e rëndë dhe autorët. /ZOOM.AL/