Arresti kardiak që mbajti në ankth gjithë botën e futbollit ka qenë prej kohësh vetëm një kujtim i keq dhe tashmë kampioni danez, në jetën e tij të dytë futbollistike, ka mbyllur përfundimisht rrethin me atë të kaluar të dhimbshme, duke shënuar golin në minutën e 17-të.

Ishte 12 qershor 2021, minuta e 42-të e derbit skandinav në Kopenhagë kundër Finlandës kur Eriksen u rrëzua befas në tokë.

Një skenë tronditëse që u merr frymën lojtarëve, i lë të përlotur spektatorët në tribuna dhe komentuesit nga e gjithë bota janë të tronditur. Mjeku i bëri masazh kardiak, ndërsa lojtarët danezë në lot mbronin shokun e tyre të skuadrës.

Më pas nxitimi për në spitalin e kryeqytetit danez ku gjendja e ish-lojtarit të Interit filloi përmirësohet. Pak ditë pas operacionit në zemër: Eriksenit iu implantua një defibrilator, i cili mundëson monitorimin e çdo “rrjedhjeje” të zemrës.

“Kjo pajisje është e nevojshme pas një ataku në zemër të shkaktuar nga aritmia”, thuhet në shënimin zyrtar. Karriera e tij te Interi ka përfunduar, sepse në Itali nuk lejohet të luajë me defibrilator dhe pas një rehabilitimi të gjatë më 31 janar 2022 u transferua në Brentford ku përfundoi sezonin para se të kalonte te klubi i tij aktual, Manchester United.