Ata kanë kërkuar kushte ekonomike dhe statusin e minatorit. Një protestë e ngjashme u mbajt edhe më 1 Maj, bashkë me mësuesit.

Minatorët kanë deklaruar se pensionet që marrin janë tejet të ulëta dhe nuk u mjaftojnë as për të blerë ilaçe e jo për të jetuar.

“Minatorët duan status duan kushte ekonomike. Ju na keni lënë në mjerim dhe tani po vuajmë. Secili nga ne ka 2-3 palë ilaçe me vete. Pensioni qesharak që na keni dhënë nuk na del as për ilaçe”, tha njëri prej tyre.

Protesta mbahet pikërisht minuta para se të nisë seanca parlamentare, ku do ketë debate për Amnistinë Penale. /ZOOM.AL/