Është bërë qeveria dhe gjithë pushteti si kooperativë magazinierësh. Numërojnë çdo ditë sa veta hyjnë dhe dalin në Shqipëri.

Sot kishin shpikur moton “lart e më lart”. Çdo javë shpërndajnë nga një grafik sa u rritën pasagjerët në aeroport apo pikat kufitare të vendit.

E hedh Rama grafikun i pari, pastaj e marrin të gjithë me radhë, Balluku, Kumbaro, Veliaj, OSHEE, drejtoria e bujqësisë, komunalja.

Askush nuk flet për investime në bujqësi, industri, IT, arsim apo shëndetësi. Vetëm numërojnë njerëzit që hyjnë e dalin si barinjtë me bagëtitë kur i fusin në vathë. Ky është prioriteti i qeverisë sot.

Dhe ngaqë këta merren gjithë ditën me numërimin e pasagjerëve, në Shqipëri ndodhin çudira. Numri i turistëve rritet, por bujqësia ka 10 vjet që është në krizë. Milionat e turistëve që vijnë, i bie që marrin bukë me vete.

Shqipëria kampione botërore e turizmit, por kontributi i turizmit në rritje ekonomike është njësoj me grupin e shërbimeve administrative.

Nejse, mirë është. Grafiku i pasagjerëve lart, ai i shqiptarëve që ikin nga sytë këmbët edhe më lart.