zoom

Stil

8 sekrete njerëzish të pasur!

Mendoni seriozisht gjithçka do të lexoni më poshtë dhe që nga ky moment, filloni t’i zbatoni!

1. Mos shpenzoni kurrë para për t’i bërë përshtypje të tjerëve

Shumica e njerëzve që janë të pasur vërtet nuk humbasin kohë dhe para për t’i rënë në sy të tjerëve. Sepse në fakt, milionerët s’do të ishin kurrë të tillë nëse do shpenzonin të ardhurat e tyre duke blerë gjëra vetëm për të tërhequr vëmendjen e njerëzve.

2. Ndiq gjithmonë pasionin tënd

Njerëzit e pasur bëhen të pasur kur arrijnë të bëjnë diçka që e kanë me pasion. Nëse ti s’e do atë që po bën për momentin, po çon dëm kohë dhe përpjekje për diçka që s’do t’ja ndjesh kurrë siç duhet suksesin.

3. Eshtë e rëndësishme të rrethoheni me njerëz që ju këshillojnë

Njerëzit e pasur përgjithësisht e rrethojnë veten me njohuri nga fusha të ndryshme. Ata dinë rreth taksave, çështjeve ligjore apo financiare. Filloni që tani duke investuar në një sistem mbështetës që do t’ju ndihmojë të arrini aty ku doni me mençuri dhe të sigurtë. Mbani gjallë etjen për dije.

4. Ndrysho mënyrën se si mendon

Grant Cardone, një ekspert ndërkombëtar shitjesh dikur tha: “Nuk ka mungesë parash në planetin Tokë, ka vetëm mungesë njerëzish që mendojnë në mënyrë korrekte rreth tyre. Për t’u bërë i pasur duhet t’i jepni fund mendimeve varfanjake.”

Kështu që vendosni një objektivë dhe fokusohuni tek ideja që do ta realizoni me çdo kusht.

5. Mos harro strategjinë e kursimit

E dini të gjithë se kursimi i parave është një pjesë esenciale e të qënit i pasur, por ndonjëherë është më e thjeshtë ta thuash sesa ta bësh. Njerëzit e pasur, përgjithësisht vendosin një shumë fikse çdo muaj që e kalojnë menjëherë në llogari kursimi.

6. Mos harro që ti je SHEFI!

Punonjësit punojnë për të pasuruar edhe më shumë shefin e tyre. Nëse qëllimi yt është të bëhesh i pasur, konsidero fillimin e biznesit tënd. Sipas Forbes, thuajse të gjithë njerëzit e përfshirë në listën e miliarderëve për vitin 2020 e kanë ngritur pasurinë e tyre përmes biznesit privat, një produkti apo një investimi të caktuar.

7. Përfito nga koha- jo nga koha e duhur

Askush s’e parashikon dot ç’do të ndodhë nesër me tregun. Njerëzit e pasur e kuptojnë drejt që koha dhe komponentë të tjerë janë faktorët më të rëndësishëm në shtimin e pasurisë së tyre. Rruga drejt pasurisë kërkon investitorë të guximshëm që shpesh injorojnë spekulimet rreth tregut.

8. S’është e gjitha çështje rroge dhe parash

Të pasurit e dinë që sa më shumë ngrihesh, aq më tepër duhet t’i kujtosh vetes që t’i bëni paratë të punojnë për ju dhe jo më ju për paratë. Në një moment a një tjetër vjen koha kur gjenerimi i të ardhurave bëhet në mënyrë “pasive” – përmes investimeve, pronave të dhëna me qira, përfitimet nga një biznes që zotëroni, etj.