Day ArchiveSHBA-ja paralajmëron sanksione pas sulmeve me dronë iranianë në Kiev

Shtetet e Bashkuara paralajmëruan se do të ndërmarrin veprime kundër kompanive dhe shteteve që punojnë me Iranin në programin e tij të dronëve, pasi Rusia përdori dronë nga Irani për të kryer sulme kamikazë në Kiev.

“Kushdo që bën biznes me Irani, që mund të ketë çfarëdo lidhje me zhvillimin e dronëve, të raketave balistike apo të shitjes së armëve nga Irani në Rusi, duhet të ketë kujdes për veprimet e tyre. SHBA-ja nuk do të hezitojë të vendosë sanksione apo të ndërmarrë veprime ndaj keqbërësve”, tha më 17 tetor zëdhënësi i Departamentit amerikan të Shtetit, Vedant Patel.

“Rusia po varet nga aleanca me Irani dhe është diçka që e gjithë bota – veçanërisht ata në rajon – duhet ta shohin si një kërcënim të madh”, shtoi ai.

Patel tha se SHBA-ja po ashtu beson se dërgesat e dronëve nga Irani shkelin Rezolutën 2231 të Këshillit të Sigurimit të Kombeve të Bashkuara, që ishte pjesë e marrëveshjes bërthamore të vitit 2015.

“Ne besojmë se këta dronë janë transferuar nga Irani në Rusi dhe po përdoren nga Rusia në Ukrainë, dhe bëjnë pjesë në mesin e armëve që janë nën embargo sipas Rezolutës 2231”, tha ai.

Ndalesa ndaj eksporteve të armëve konvencionale nga Irani, skadoi në tetor të vitit 2020, pavarësisht përpjekjeve të OKB-së dhe SHBA-së – e cila u largua nga marrëveshja bërthamore – që kjo pikë e rezolutës të mbetej në fuqi.

Megjithatë, rezoluta ka edhe disa kufizime që skadojnë në tetor të vitit 2023, për eksportet që lidhen për raketat balistike që mund të bartin armë bërthamore.

Duke u thirrur në informacione të inteligjencës amerikane, që janë publikuar më herët, Patel tha se disa nga dronët iranianë që Rusia i ka blerë, nuk kanë funksionuar siç duhet.

Zyrtarët amerikanë më herët kanë deklaruar se Rusia – një eksportuese e madhe e armëve – po kthen sytë kah Koreja e Veriut për të blerë armë, ndërkaq Kina ka refuzuar thirrjet për ndihmë.

Fjalimi i Ramës në asamblenë e KIE, Berisha: Si Enver Hoxha para komunistëve në Moskë

Kreu i Partisë Demokratike, Sali Berisha ka qenë sot i ftuar në emisionin “Çim Peka live” ku ka folur për fjalimin e kryeministrit Rama gjatë asamblesë së KiE.

Berisha tha se fjalimi i Ramës përngjante me fjalimet e Enver Hoxhës në Moskë para partive komuniste.

“Foli sikur ishte në një mjedis armiqësor. Miratoi një rezolutë në parlament, e çoi atje, që s’ka asnjë vlerë për atë institucion.
Mbajti një fjalim që të kujtonte fjalimin e Enver Hoxhës në Moskë para partive komuniste.
Tentoi të poshtërojë, ‘keni humbur busullën morale, keni kthyer kriminelin në viktimë’, fjalim arkaik në çdo aspekt por në një moment shumë delikat për Kosovën.”-tha Berisha.

Kreu i PD, Sali Berisha deklaroi më tej se i vetmi rezultat i këtij fjalimi nga kryeministri Edi Rama, ishte bojkoti i darkës me ndërkombëtarët ndërsa shtoi se kreu i qeverisë është vasal i Presidentit serb, Vuçiç.

“Ishte e rëndë. Nuk ishte kryeministri i Libisë, por i një vendi anëtar të NATO-s që në 95-ën. Mendon se duke u njehsuar me këtë kauzë, heq baltën që ka si vasal i Aleksandër Vuçiç.”-tha Berisha.

Fjalimi emocionues i Benzema pas fitores së Topit të Artë: Kam kaluar periudha të vështira

Karim Benzema u shpall sot fituesi i “Topit të Artë”. Një arritje e shkëlqyer për sulmuesin, i cili në fjalimin e tij tregoi se ky kishte qenë objektivi që i kishte vënë vetes që fëmijë dhe e arriti në moshën 24-vjeçare.

“Kur isha i vogël, është një ëndërr që kanë të gjithë fëmijët. Zidane dhe Ronaldo ishin modeli im. Është diçka që e kultivon ditë pas dite”, thotë Benzema në podium.

“Kam kaluar periudha të vështira, si kur nuk isha në kombëtare, por gjithmonë kam besuar se një ditë mund ta fitoj këtë trofe. Jam krenar për rrugën time. Falenderoj bashkëlojtarët e mi, presidenti im i madh Florentino Perez, familja, ka qenë gjithmonë pranë meje, prindërit e mi, të gjithë. Ky Top i Artë është një çmim individual, por nuk do ta kisha fituar pa ekipin”-shtoi me tej ai.

Paralajmërimi i Berishës: Nuk i ndahem gjyqit ndaj Blinken deri në fund të jetës time

Kryetari i Partisë Demokratike, Sali Berisha paralajmëron se do të vijojë proceset gjyqësore ndaj SHBA dhe Britanisë së Madhe, për vendimet e shpalljes non grata.

Në Çim Peka Live, Berisha tha se nuk do t’i ndahet gjyqit të Parisit ndaj Sekretarit Amerikan të Shtetit, Antony Blinken, deri në fund të jetës së tij.

Ai tha se vendimi i Blinken, pa prova dhe fakte, e ka lënduar në dinjitetin e tij.

Sali Berisha: Unë po sfidoj me gjykatat. I kam çuar në Paris, po e ndjek në Angli. është në Gjykatën e Kasacionit në Paris. Nuk ndahem unë nga procesi gjyqësor deri në fund të jetës time ndaj Antony Blinken. Sepse ka marrë një vendim ‘sine materia’ dhe më ka lënduar në dinjitetin tim. Do të jetë salla e gjyqit ajo që do të qartësojë të vërtetën.

Pedagogët bojkotojnë mësimin/ VOA: Paguhen vetëm 4-7 euro për leksion Karim Benzema fiton Topin e Artë, francezi mposht konkurrencën Mane dhe De Bruyne

Karim Benzema fiton edicionin e vitit 2022 të Topit të Artë.

Ashtu siç pritej, sulmuesi i Real Madrid mposhti konkurrencën, duke marrë trofeun e lakmuar direkt nga duart e Zinedine Zidane, i fundit në Francë që fitoi titullin në vitin 1998.

Një hakmarrje e madhe për sulmuesin francez me origjinë algjeriane, i cili në pak më shumë një vit u bë një mbret i vërtetë i futbollit botëror: “Mbreti Karim”, siç e quajnë shumë tani.

Në fund të fundit, pasardhësi i Lionel Messit pati një sezon të jashtëzakonshëm, duke luajtur një rol kryesor në kombëtare dhe duke dhënë një kontribut vendimtar në fitoren e Real Madridit në Champions League.

Benzema, 34 vjeç, është lojtari më i vjetër që ka fituar Topin e Artë pas Stanley Matthews, fitues në moshën 41-vjeçare.

Për herë të parë këtë vit rregullorja parashikon që të merren në konsideratë performancat dhe titujt e fituar në sezonin sportiv (në këtë rast 2021-2022) dhe jo më në vitin kalendarik. /zoom.al/

 

 

 

Berisha: Basha u nis tre herë për në SHBA dhe e kthyen, mund të ketë lobuar…

Kreu i Partisë Demokratike, Sali Berisha tha sot se Lulzim Basha u nis tre herë drejt SHBA-së dhe u kthye nga rruga.

Berisha tha se Basha mund të ketë lobuar për të mbyllur problemet me drejtësinë amerikane.

Berisha: Tre nisjet e tij për rrugë janë kthyer në mes, ka dëshmitarë. Kanë dalë ta presin në aeroport, kanë prenotuar limuzinën dhe u është thënë se po të vijë këtu ka këto probleme. U nis me Gjekmarkajn në Romë dhe është kthyer pasi është njoftuar. Ka ndodhur në Vjenë, është nisur përsëri për të shkuar. Mund të ketë lobuar dhe ka mbyllur problemet, nuk e di. Por këto janë të gjitha të vërteta dhe nuk i ka mohuar. Se ça thonë lajmet nuk kam asnjë njoftim.

Si duket Rita Ora pa grim?

Së fundmi ajo u kthye në Britani të Madhe pas një udhëtimi në Zelandën e Re. Rita Ora doli pa grim teksa doli nga një palestër në Londër pas stërvitjes së saj në mëngjes të së hënës. Këngëtarja, 31 vjeçe, e cila mban të përditësuar 16.1 milionë ndjekësit e saj në Instagram në rrugëtimin e saj të fitnesit, veshi një palë streçe palestre të ngushta, të bashkuara me një bluzë të zezë me zinxhir dhe atlete sportive portokalli.

Rita dukej me fytyrë të freskët poshtë një palë syze dielli, ndërsa flokët e saj ishin në një topuz të çrregullt. Artistja postoi në Stories e saj në Instagram, duke shpjeguar se kishte një ditë të ngarkuar përpara saj:

Mëngjesi në palestër dhe një ditë xhirimesh 14 orëshe! Shkojmë!

Më pas Rita ndau një video të saj në palestër, duke treguar fizikun e saj të tonifikuar me një sytjena sportive të zeza. Ajo më pas shtoi:

E vetmja mënyrë për të filluar javën. Unë isha e lodhur tani, por ju duhet ta bëni atë.

Rita më parë postoi në Instagram për të ndarë një video mahnitëse të bicepsit të saj mbresëlënës, duke këmbëngulur se ngritja e peshave ishte e vetmja mënyrë për të kapërcyer vonesën e saj në avion.

Skandali me reformën në drejtësi, ekspertët që gatuan vetëm për vete

Nga Fatos Hoxha

Për foton që është më poshtë mund të bëhen romane, madje siç thotë dhe zonja e nderuar Spiropali, jashtë mund të bëhen edhe filma.

Ka disa gjëra që i bëjnë bashkë personazhet e mësipërm. Nuk po merremi me “biografinë” dhe të themi se janë të majtë me rrënjë e me degë, nuk po bëjmë akuza politike dhe të themi se janë të gjithë militantë të PS-së, nuk po tregohemi ziliqar dhe të themi se karrierën profesionale ia dedikojnë PS-së.

Sot po ndalemi vetëm te një pikë: profesionalizmi i tyre i shquar, ose siç quhet në gjuhën e ditës: ekspertiza.

Të gjithë personat që shihni në foto kanë qenë ekspertë të nivelit të lartë për Reformën në Drejtësi.

Po, po, ekspertë të nivelit të epërm.

Deputetët e Partisë Demokratike, atëherë e pa copëtuar, nuhatën se këta mjeshtra po gatuanin gjellën vetëm për vete dhe kërkuan që edhe në respekt të konfliktit të interesit ekspertët të mos viheshin në drejtim të institucioneve të reja të drejtësisë.

Kjo gjë u tha publikisht, u kuptua publikisht, por nuk u materializua me firmë.

Këtë foto na e kujton sot një postim i Institutit të Studimeve Politike, duke vënë theksin te konflikti i interesit.

Por sot, mjerisht, është vonë, shumë vonë.

Sot, te shqiptarët vendin e entuziazmit për Reformën në Drejtësi e ka zënë zhgënjimi i thellë.

“Ndërkombëtarët” këtu mbahen me gajret dhe i bien daulles së suksesit, por jo për veshët e shqiptarëve, por për veshët e tyre.

Një nga problemet më të mëdha të vërejtura dhe të pranuara edhe nga ndërkombëtarët është mungesa e “burimeve njerëzore”.

Pra, nuk paskemi juristë? Vërtet nuk kemi?

Kemi edhe mjaft të mirë. Kemi juristë vendas të shquar. Por kemi edhe qindra e qindra juristë të diplomuar në universitetet më të mira të Perëndimit, ndaç në Europë, ndaç në Amerikë.

Por, megjithë zbrazëtirën e madhe që ka lënë vettingu- nuk ka vend për juristët e talentuar shqiptarë.

Arsyeja janë njerëzit që shikoni në foto. Ata kanë hartuar kriteret për vendet e reja. Dhe mesa duket këto kritere i plotësojnë vetëm hartuesit e tyre.

Skandali qëndron në faktin se disa eskpertë kanë bërë ligjin në mënyrë të tillë që ata vetë nuk duhet të vetohen.

Sokol Sadushi- është kryetar i Gjykatës së Lartë, por i pa vetuar dhe nuk do të vetohet sepse “nuk vjen nga gjyqësori”.

Sot kërkojmë të vetojmë policin rrugor, por jo kreun e Gjykatës së Lartë.

Gent Ibrahimi që kërkon të shkojë në Gjykatë Kushtetuese, pasi drejtoi Këshillin e Lartë të Prokurorisë, nuk do të vetohet.

Por edhe i vetuari Dvorani, kaloi vetingun pasi u konstatua se “lëviznin” vetëm 100 milionë lekë, ndërkohë që prokuror dhe gjyqtarë i kanë thënë lamtumirë zanatit pse “nuk kanë ecur në vija të bardha”.

Sot mund të japim një përgjigje më të qartë se pse prej vitesh Gjykata e Lartë dhe Gjykata Kushtetuse kanë vende bosh – sepse kriteret janë bërë vetëm për shokët e mësipërm.

Sot dhe nesër askush nuk do të mbajë përgjegjësi për gjymtimin e gjykatës së Apelit dhe të Faktit.

Përgjigja është gati: “nuk kemi burime njerëzore”.

Nuk plotësojnë kriteret!

Por, disa persona, si këta që shihni në foto i plotësojën kriteret për çdo vend në instituiconet e reja.

Ta gëzojmë reformën në Drejtësi!

Dhe përfund një lutje për donatorët bujarë.

Pse nuk e dëgjojnë më me dashamirësi sugjerimin brilant të Elisa Spiropalit, dhe të kalojnë ca fonde për NETFLIX dhe të bëjnë një serial me të mbijetuarit e Vettingut: Sadushi, Dvorani, Ibrahimi e co.

Nuk duhet të kushtojë shumë se skenari është i gatshëm.

-Seria e parë: Ekspertët.

-Seria e dytë: Instituticionet e reja. -Seria e tretë: OMN.

-Seria 4. Vetingu.

-Seria 5. SPAK.

-Seria 6. Gjasme ndëshkimi.

-Seria 7. Ekpertët- kapin majën.

-Seria 8. Ndërkombëtarët.

-Seria 9. PS: Ta lemë drejtësinë të punojë.

Sezoni i parë është pak i vështirë. Sezonet e tjera realizohen edhe më me pak fonde.

Varrmihësit e reformës në drejtës

Akuzat e Bashës për lidhje me krimin, ja si përgjigjet Sali Berisha

Kryetari i Partisë Demokratike, Sali Berisha duke folur në ‘Çim Peka LIVE’ i është përgjigjur edhe akuzave të Lulzim Bashës, të bërë më herët, për lidhje me krimin.

Drejtuesi i emisionit Çim Peka, ka përmendur rastin e Myftar Lumneshin, që sipas gazetarit, Basha e ka përmendur si personazh të krimit.

Kreu i PD-së, është shprehur se, Myftar Lumneshin e njeh që në fëmijërinë e tij, pasi kanë jetuar në të njëjtin fshat.

‘Myftar Lumneshi është një biznesmen. Unë e njoh që në fëmijëri atë. Ata kanë qenë kulakë, familje shumë e keqtrajtuar nga regjimi, por familje me dinjitet. Është një familje e njohur në zonë.

Myftar Lumneshi është marrë me biznese. Sali Berisha me gjithë njohjen që kam, nuk i kam kërkuar asnjëherë të sponsorizoj PD. Druaj se Lulzim Basha ta ketë bërë disa herë këtë. Pra ajo ishte një gjë e turpshme. Myftari është më i ri se unë dhe kishte shumë miqësi me Lulzim Bashën. Padiskutim mbështetës i PD dhe të djathtës. Myftari në këtë ndarjen që u bë mes meje dhe Bashës, nuk e mbështeti atë dhe Basha ju vërsul. Në dijeninë time ndaj tij nuk ka asnjë proces.

Unë në tërësi nuk pranoj fonde, nga biznesmenë që kanë fituar në mënyrë të pandershme pasurinë. Ka prej tyre që unë 8 vite në qeveri nuk kanë kërkuar asnjë favor nga Sali Berisha.

Ministrat e mi di që u kanë bërë penalitete këtyre biznesmenëve. Kanë vazhduar punën e tyre pa kërkuar favore nga Sali Berisha. Edhe nëse kanë ardhur unë u kam thënë se nuk bëhet kështu.

Absolutisht Zamir Mane të vetmen gjë që ka kërkuar nga Sali Berisha është fakti se kishte ndërtuar një park logjistik prej 80 mijë metrash katrorë dhe kishte disa familje që kishin banesat aty. Rregulloi çdo gjë, mundësisht vetëm procesin e legalizimit. Parku i tij ishte 80 mijë metrash katrorë dhe nëse Shqipëria ecte ashtu siç ishte, aty bëhej një park i madh.

Ka ndërtuar TEG-un dhe zero kërkesa ndaj meje.

Shefqet Kastrati nuk ka shkelë kurrë në zyrën time. Sa për dijeni naftën që injektonte ia kam tatuar me TVSH, naftën në Marinzë’, është shprehur gjatë emisionit ‘Çim Peka LIVE’, kreu i PD-së, Sali Berisha.